"MCA-Kosova (Millennium Challenge Account Kosovo) është entiteti zbatues i Programit Kompakt të Kosovës, i nënshkruar zyrtarisht në korrik 2022. MCA-Kosova operon si një fondacion i regjistruar, që vepron në mënyrë të pavarur me qëllim të zbatimit të suksesshëm të Programit Kompakt të Kosovës. Statuti dhe mandati i MCA-Kosovës rregullohen përmes Marrëveshjes Kompakt dhe Marrëveshjes për Zbatimin e Programit, të nënshkruar dhe më pas ratifikuar nga Kuvendi i Kosovës."

Ruajtja e energjisë përmes sistemeve të baterive përfshin përdorimin e baterive të cilat mund të rimbushen për të ruajtur dhe shpërndarë elektricitet në shkallë të gjerë. Këto sisteme e marrin energjinë e tepërt gjatë periudhave të kërkesës së ulët dhe furnizojnë energji kur kërkesa është e lartë ose burimet e ripërtëritshme janë joaktive. Ato ofrojnë stabilitet në rrjet, përmirësojnë integrimin e energjisë së ripërtëritshme dhe sigurojnë një furnizim të qëndrueshëm të energjisë.

Sistemi i ruajtjes së energjisë në Kosovë përmes baterive përfshin një hap kritik drejt integritetit dhe përdorimit optimal të burimeve të ripërtëritshme.

Kompakti i Kosovës, si çdo Kompakt tjetër nën mbështetjen financiare të MCC-së, do të zgjasë pesë vjet - duke nisur nga data e Hyrjes në Fuqi. Hyrja në Fuqi (Entry into Force) zakonisht fillon 2 vjet pas nënshkrimit të Marrëveshjes së Kompaktit.

Marrëveshja e Kompaktit u nënshkrua në korrik 2022, prandaj hyrja në fuqi do të fillojë më së voni në korrik 2024.

Korporata e Sfidës së Mijëvjeçarit (MCC) është një agjenci e pavarur e ndihmës së huaj së SHBA-së me misionin e zvogëlimit të varfërisë përmes rritjes ekonomike. MCC formon partneritete me vendet në zhvillim të cilat përmbushin standardet rigoroze për qeverisje të mirë, liri ekonomike dhe investim te qytetarët e tyre. MCC ka bashkëpunuar me sukses me afro 30 vende në mbarë botën për marrëveshjet e granteve, të cilat përbëjnë një investim ekonomik prej 13 miliardë dollarësh. Këto grante kanë ndihmuar në nxjerrjen e miliona njerëzve nga varfëria duke katalizuar investimet dhe rritjen ekonomike. Për më shumë informacion, ju lutemi vizitoni: www.mcc.gov